Rocket kya hai aur kaise kaam karta hai

Short Answer: Rocket ek special tarah ka vaahan (Vehicle) hai jo space me jaane ke liye Newton ke third law (Action and Reaction) ka use karta hai. Yeh apne andar ke fuel ko jalaakar neeche ki taraf bahut tez gas chhodta hai, jisse milne wale dhakke (Thrust) ke kaaran rocket gravity ko paar karke aasmaan me upar chala jata hai.

👇 Agar aap Rocket ke types, iske main parts aur iske itihas ko vistar se jaanna chahte hain, toh neeche padhna jaari rakhen! 👇

🚀 Hamari pichli viral rocket post bhi zaroor padhen:

Click Here: Rocket Launching Ki Poori Kahani ➔

---

Rocket Ke Main Parts Kaun Se Hote Hain?

Ek rocket ko sahi tarike se kaam karne ke liye kai bade systems milkar kaam karte hain. Iske 4 sabse mahatvapurna parts hain:

• Structural System: Yeh rocket ki body ya frame hota hai. Yeh bahut hi halke aur majboot material (jaise titanium ya aluminum alloy) se banta hai taaki vazan kam rahe.
• Propulsion System: Isme rocket ka engine aur fuel tank aata hai. Yeh rocket ka sabse bhaari hissa hota hai jo ise aage badhne ki asli takat deta hai.
• Guidance System: Yeh rocket ka 'dimaag' hai. Isme computers aur radars hote hain jo rocket ko sahi rasta dikhate hain.
• Payload System: Rocket jis chiz ko space me le jaane ke liye banaya gaya hai (jaise koi Satellite ya Astronauts), use Payload kehte hain.

Rocket Me Kaun Sa Fuel (Eendhan) Use Hota Hain?

Rocket me use hone wale fuel ko Propellant kahte hain. Space me oxygen nahi hoti, isliye rocket apne saath fuel ke sath oxidizer bhi lekar jata hai:

1. Solid Fuel: Yeh ek baar jalne ke baad beech me band nahi kiya ja sakta. Yeh shuruati lift-off ke liye bahut takatvar hota hai.
2. Liquid Fuel: Isme Liquid Hydrogen aur Liquid Oxygen use hota hai. Is engine ko zarurat padne par beech me band ya chalu kiya ja sakta hai (Jaise ISRO ka Vikas Engine).

Bharat (ISRO) Ke Prasiddh Rockets

Humare desh ki space agency ISRO ke paas mukhyatah yeh do sabse behtareen rockets hain:

Rocket Name	Specialty (Khaasiyat)
PSLV	Ise ISRO ka 'Workhorse' kehte hain. Isne ek sath 104 satellites bhejkar world record banaya tha.
GSLV / LVM3	Yeh Bharat ka sabse bhaari aur takatvar rocket hai, jise 'Bahubali' bhi kaha jata hai. Isne hi Chandrayaan-3 ko launch kiya tha.